陳偉,andy今日4/7/2012 Taiwan台湾追星行程,香港星蹤(Hong kong藝人行程):

---

• 陳偉,andy今日4/7/2012 Taiwan台湾追星行程,香港星蹤(Hong kong藝人行程):
• 林宥嘉 稱「那個人」　鄧紫棋 冷回「人與人的關係」
• EDITORIAL: Lakshmi Menon in Dossier Journal, Spring/Summer 2012
• 陳肇麒 陳七 拖女 揀婚紗 路過 酒店 怕怕
• 關仁隱事：「大隻身」慘做老婆奴
• 李蘊 魔術 換臉 8年5變
• 周秀娜 輸波 火滾 飛男友 洩憤
• 陳煒 瞞 老公 水着 色誘 郭政鴻
• 電子新寵　養Phone狗
• 羅慧娟 媽媽 白頭人送黑頭人 陳法蓉 靈堂哭 娟妹 娟妹 骨灰擬製鑽鏈 長伴 夫婿
• 沙雕英女皇駕到　暑假 玩樂攻略
• 我不再是【劉備老師】了～
• 《紐約時報》介紹‧記者大街小巷尋找‧新加坡“牛油咖啡”揚名國際
• 《紐約時報》介紹‧記者大街小巷尋找‧新加坡“牛油咖啡”揚名國際
• Slideshow: Contest
• 安达曼群岛狩猎 (27): 結尾與感想
• 安达曼群岛狩猎 (26): 最後的期望：夜晚
• 安达曼群岛狩猎 (25): 提高警覺Popping
• 安达曼群岛狩猎 (24): 海上游擊戰術
• 第卅五間 - 岩手ラーメン @ Sri Petaling

陳偉,andy今日4/7/2012 Taiwan台湾追星行程,香港星蹤(Hong kong藝人行程): Posted: 03 Jul 2012 07:39 PM PDT   -------------------------------------------------------- 如下是連結網頁: · 陈伟andy工作相集香港 · 陈伟andy新浪微博 陈伟andy香港新浪博客 andy陳偉香港yahoo  blog 娛樂圈新聞速遞

林宥嘉 稱「那個人」　鄧紫棋 冷回「人與人的關係」 Posted: 03 Jul 2012 08:51 AM PDT 林宥嘉（左）、鄧紫棋2人疑似愛已逝。（圖／合成／記者朱家彥、林調遜） 歌手林宥嘉與鄧紫棋這對緋聞情侶相繼發行新專輯，不過2人貌似分手避談對方，林宥嘉日前被媒體詢問感情事，語帶神秘的說：「一個悲傷的故事」，還稱鄧紫棋「那個人」；鄧紫棋則隔空冷淡的回應「人與人之間和諧的的關係」，似乎都已似間接承認愛已成往事。 鄧紫棋5日將發新專輯，走搖滾風，造型一半長髮、一半平頭，創作主題是控訴玩世不恭的男友，主打歌《Oh Boy》表達的是男生沒辦法保護女生，還讓她們傷心，歌詞中大喊：「Oh Boy，女孩們受夠了」，她稱靈感來自「身邊的朋友」，和林則是「和諧的的關係」。 林宥嘉１日25歲生日，鄧紫棋沒祝福，但粉絲仍在微博祝福「生日快樂，和鄧紫棋白頭偕老」。而鄧紫棋7月將短暫來台宣傳唱片5天，恰巧跟林宥嘉打對台，她將巧妙避開，淡定表示通告是要看內容適不適合來安排，希望能好好介紹專輯，其他的不會多想。 ▲鄧紫棋談起林宥嘉，冷淡回應。（記者朱家彥／攝影） 鄧紫棋這次不當可愛女生，新造型自己動刀將左半邊頭髮剃短，形成強烈的落差，鄰家女孩形象搖身一變成為搖滾女伶，她說：「因為我一直給人的印象都是臉嘟嘟的可愛女生，新專輯我想展現多一點自己，我其實也有俐落的一面。」不過這次在MV中扮演地獄廚神，林宥嘉曾在《看見什麼吃什麼》也扮廚師，實在很巧。 (繼續閱讀...)

EDITORIAL: Lakshmi Menon in Dossier Journal, Spring/Summer 2012 Posted: 03 Jul 2012 08:49 AM PDT Model: Lakshmi Menon (Supreme) Editorial: Tell Me What I'd Say Magazine: Dossier Journal, Spring/Summer 2012 Photographer: Skye Parrott Stylist: Vittoria Cerciello Hair: Pasquale Ferrante Makeup: Valerie Gherman Source: models.com

陳肇麒 陳七 拖女 揀婚紗 路過 酒店 怕怕 Posted: 03 Jul 2012 08:48 AM PDT 陳七拖女揀婚紗 路過酒店怕怕 足球員陳肇麒（陳七）早前拖o靚模Emily爆房斷正，知錯後即與正印女友劉雅婷（Toby）訂婚贖罪，日前二人到尖沙咀揀婚紗及睇婚戒，陳七似有陰影，經過兩間酒店均過門不入。 因拖女爆房賠上事業的陳七，為挽救與拍拖多年的正印女友、組合MVG成員Toby的感情，頻頻陪女友撐枱腳兼濕平，更化身「柴可夫」車出車入。據知，陳七以訂婚氹掂女友，並許下承諾不再偷食，故Toby給他機會改過自新。 日前本報記者在尖沙咀某商場發現陳七與Toby歎咖啡，戴黑超的陳七一眼就被認出，見他與Toby邊講邊笑，情到濃時更捽女友大髀。離開咖啡店後，Toby翹實男友向「婚紗街」進發。附近有不少時鐘酒店，但「驚弓之鳥」的陳七經過兩間酒店都急急腳拖女友前行，未有內進。 揀戒指心大心細 兩人閒逛至汗流浹背，便入超市買飲品，再到其中一間婚紗店睇色辦。陳七在店中露出一副冧樣望實女友，又出手揀婚紗，二人足足在店內逗留了一個多小時，在職員游說下，陳七最終以信用卡付訂金，Toby即時甜笑。兩人其後再到金舖揀婚戒，在櫥窗前指手畫腳，似有意見分歧，Toby一度扁嘴，由於當時人流太多，陳七見狀即拖女友離開，再到其他地方血拚。 Toby返閨變阿四 陳七以價值數十萬元的跑車接載女友，當他發現被記者尾隨，即在尖沙咀及九龍城兜圈，為求撇甩記者更着女友落車，要她由街頭行到街尾，但仍逃不過記者法眼，事敗的陳七最後車Toby返家，卻見她獨自在車尾箱取戰利品上樓。 音樂組 主動箍煲的陳七為表誠意，全天候傍實女友行婚紗街，任翹唔嬲。 Toby睇婚戒花多眼亂，在旁的陳七不耐煩地叉腰。 陳七終於肯落訂買婚紗，Toby（中）笑到見牙唔見眼。 戴黑超的陳七在咖啡店內與女友歎Tea，有講有笑。 陳七車女友回家，但由得她自己拿戰利品，沒陪她上樓。 (繼續閱讀...)

關仁隱事：「大隻身」慘做老婆奴 Posted: 03 Jul 2012 08:46 AM PDT 關仁隱事：「大隻身」慘做老婆奴  導演「大隻身」有病，知情嘅人都知佢嘅病係俾佢老婆「小蛇蝎」激出嚟，佢老婆嗰種控制慾好得人驚，大隻身個姐姐臨死想見吓個細佬一面，打晒鑼搵大隻身返香港，但小蛇蝎唔鍾意佢啲家人，所以一路隱瞞呢件事，與世隔絕嘅大隻身直到姐姐斷氣先從小蛇蝎口中得知姐姐死訊，然後急忙回港奔喪，返到香港媽咪同細佬責怪佢唔返嚟睇姐姐最後一面，佢雖然心知肚明係老婆搞鬼，但佢咁驚老婆又點敢出聲。阿媽問佢攞家用，佢因為啲錢畀老婆管住，身無分文，結果要問經理人借錢，唉！你睇呢位大導演做人做得幾辛苦。 撰文：關仁 (繼續閱讀...)

李蘊 魔術 換臉 8年5變 Posted: 03 Jul 2012 08:44 AM PDT 12年易容期 李蘊本月推出新寫真集，大晒終極變臉樣，大眼、 V煞下顎，間尺鼻同硬膠臉一應俱全。 模最愛玩變臉，有時分分鐘唔認得佢哋，以為乜咁快又有新人彈出。月底就21歲嘅模李蘊，13歲出道，今夏推出第三本個人寫真，佢個樣已變到離晒譜。家嘅李蘊具備模倒模五官， V煞下顎、間尺鼻同硬膠臉，雙唇更疑似打針谷厚咗，嘟起小嘴擺甫士時份外性感，加上谷爆 B奶，為討宅男歡心，可謂奇招盡出。 04年天然期 13歲的李蘊初出道是組合 Cream成員，當時仍一臉稚氣。  08年漸變期 少女時期的李蘊獨立發展，擁闊臉、豬膽鼻加薄嘴唇。 「真係純天然」 李蘊04年時跟盧嘉寶同陳曉彤組成小妹妹組合 Cream出道，回望純天然期嘅佢稚氣十足，及至07年獨立發展後，由妹升呢變少女，周身 baby fat。李蘊前年推出首本個人寫真《李蘊 Renee》時，仍難掩闊臉平胸，自去年搭上台灣有名魔術師劉謙，未知李蘊是否掌握到魔術竅門，去年出嘅寫真《李蘊 Changed》，當中已見大轉變，硬膠臉同間尺鼻漸見雛型，嚟到今年搶先睇佢寫真集《寵愛李蘊》，佢嘅最新第五階段進化版，對比八年前出道時天然版仿似兩個人，唔講仲差啲以為有替身代影。 10年豐唇期 李蘊兩年前首次出寫真，仍然闊臉嘅佢嘴唇開始變厚。  11年硬膠期 李蘊再出寫真，已有硬膠臉雛型，間尺鼻初現，下巴變尖。 對於出神入化變臉，李蘊噚日喺電話訪問度話：「我已成日俾人講，有防疫力，我唔怕大家拎舊相對比，我一路成長，唔係突然咁變，大家睇住我未發育到家，我真係純天然㗎！」佢自稱冇整容，但不抗拒後天加工：「人貪靚係正常。」 (繼續閱讀...)

周秀娜 輸波 火滾 飛男友 洩憤 Posted: 03 Jul 2012 08:43 AM PDT 周秀娜輸波火滾 飛男友洩憤 「性感女神」周秀娜專程從法國返港，與球迷為「歐國盃」愛隊意大利打氣，可惜慘敗給男友陳偉成支持的西班牙，嬲爆的娜姐除命令男友請食大餐及旅行外，還指要識意大利男仔飛甩男友洩憤！ 歐洲國家盃決賽昨日凌晨大戰，周秀娜專程從法國巴黎返港，率領六名師妹Annie G.、Hailey C.、Hidy、Rika、Waye及CoCo「胸」降apm，出席《我和女神終極決賽約會》盛會，與同場的歌手MC Jin及新人陳僖儀，見證冠軍誕生！為一睹娜姐的風采，球迷、粉絲及龍友早已逼爆商場，全場有逾千人睇波。 《太陽報》讀者贏女神波衫 周秀娜更親自為參加《太陽報》「我和女神終極決賽約會創作打氣標語」比賽的得勝者頒獎，得獎者創作標語支持愛隊及球星，五位得勝者均可獲周秀娜穿過的簽名波衫。 身穿黃色吊帶長褲及六吋高跟鞋的娜姐，與穿上自家設計波衫的師妹，在台上跟粉絲、MC Jin和司儀林曉峰玩遊戲，娜姐更揚言要力撐意大利捧盃，其後把足球掟落台給觀眾，令全場尖叫。娜姐表示，早前忙於在巴黎與台星汪東城拍戲，在當地撞正愛隊意大利贏波，被當地人捉住慶祝，她專程趕回港睇決賽，現場所見消瘦不少，卻否認因擔心男友陳偉成（Avis）的緋聞而消瘦︰「點解擔心佢？佢身體唔好咩！我喺當地冇Check住佢，返到嚟都冇盤問，只有研究今日場波。」娜姐更以「暫時OK」形容兩人感情︰「大家少時間見面。（遲啲唔OK？）唔知，做完騷又要飛北京成個月。」 問是否要找個更好男友？她自爆在法國有艷遇︰「我都想，喺法國拍戲時都有人對我有興趣，法國男人好浪漫，仲送花同卡，不過唔知張卡寫乜，溝通唔到。」結果娜姐愛隊意大利慘敗於男友支持的西班牙，事後她坦言很失望及憤怒，還嬲爆表示要識意大利男撇甩男友︰「我要叫Avis請我去食西班牙菜洩憤，仲要叫佢請我去意大利同西班牙旅行，識番個意大利男仔，然後飛甩Avis！」 專案組 熱捧意大利的周秀娜輸波，即向支持西班牙的男友陳偉成洩憤。 陳偉成 周秀娜將自己穿過的波衫，頒給參與《太陽報》遊戲勝出的讀者。 Waye（左起）、CoCo、Annie G.、Chrissie、Hailey C.、Hidy和Rika，齊齊出席《我和女神終極決賽約會》。 Hailey C.（左）和Annie G.玩得很開心。 Chrissie和MC Jin玩掟足球遊戲，場面熱鬧。 為一睹周秀娜的風采，球迷、粉絲及龍友早已逼爆商場，有逾千人睇波。 (繼續閱讀...)

陳煒 瞞 老公 水着 色誘 郭政鴻 Posted: 03 Jul 2012 08:41 AM PDT 陳煒昨日穿上私伙泳衣拍無綫劇落水戲，身材依然弗到漏。 於亞視多年的陳煒今年轉投無綫後即備受重用，更有機會拍攝重頭劇《金枝慾孽貳》和《法網狙擊》。昨日煒哥為《法》劇拍攝落水戲色誘對手郭政鴻，她除了自備泳衣外，又預告會和郭政鴻在船艙拍床戲，已為人妻的煒哥更瞞住老公拍親熱戲。 陳煒與郭政鴻昨日在屯門一私人住宅內拍攝新劇《法網狙擊》，該場戲講到穿上泳衣的陳煒要於泳池內戲水，並色誘身為大律師的郭政鴻，要求郭政鴻為她辦事。 雖然有親熱戲，不過陳煒未有向老公顏志行備案，相信老公不會呷醋。資料圖片  陳煒和郭政鴻在劇中將會有火辣的肉搏戲，意識相當大膽。  陳煒雖已嫁作人婦，但仍睇頭十足。 減肥上圍跌 Cup 煒哥見有記者探班亦非常合作，不用埋位亦不吝嗇為拍攝泳裝戲而減的苗條身材，狂轉甫士任影唔嬲。雖然見陳煒身形保持得不俗，但上圍相對亦不算突出，她表示：「我有特登為呢場戲去做機減肥，減咗五至六磅啦，都幾大壓力，有五年冇着泳衣拍劇，不過瘦之餘上圍都跌晒 cup。」 船艙床戰更激 煒哥又自爆保守，所以特別自備一件頭的私伙泳衣拍攝。是否與郭政鴻有很多激情床戲？她坦言：「遲啲會出海，我哋會喺船艙搞嘢。」問到她有否跟老公備案？煒哥笑言：「佢有問我角色做乜嘢，我話係殺人放火嘅反派，不過冇提床戲，佢咁八卦自己會睇啦！」 在炎熱天氣下要穿西裝拍攝的郭政鴻，笑言羨慕煒哥穿得這麼清涼，提到二人的床戲，郭政鴻表示：「聽講激激哋！我哋都溝通緊，唔想太過一般。」採訪：文國駿 (繼續閱讀...)

電子新寵　養Phone狗 Posted: 03 Jul 2012 08:31 AM PDT i物 電子新寵　養 Phone狗 2012年07月04日 ~~ 第267期 Face 當年 Sony電子狗 AIBO玩人工智能技驚四座，但其後電子寵物唔係貴就係蠢，始終 hit唔起。如今 Bandai借 Phone還魂，推出用 iPhone做狗臉 嘅「 Phone狗」 Smartpet。插住 iPhone就變身活潑電子狗，識得同主人互動聲控做動作；出街拎走電話，又可以 喺 app入面餵佢食 嘢玩遊戲，變化夠晒多。就睇吓電子狗搭 iPhone呢個組合能否再掀起電子寵物潮喇！   Spec. 對應手機： iPhone4S、 iPhone4、 iPhone3GS、 iPod Touch 使用電池： AA電× 3 售價：$960 查詢： JC Shop（ 3102 2783） 日本 iTunes至有 app 第一印象係佢安裝唔算難，只要用內附 嘅狗仔頭 iPhone殼套上手機，並將手機裝上 Smartpet頭部，最後插入耳機線就完成安裝。跟住想狗仔郁就要 喺 iPhone下載 Smartpet app，不過要 喺日本 App Store先有，想玩記得申請個日本 iTunes帳戶。 包裝內附 3款殼，分別對應 iPhone 4/4S、 3GS、 iPod Touch，再舊 啲 嘅 3G就 update唔到 iOS，所以玩唔到。 狗身有條耳機線，要將佢插入 iPhone嘅耳機位先算連接完成。 喺日本 iTunes Store搜尋「 Smartpet」個 app就搵到，免費但就要用日本帳戶，填資料時記得 喺 Google搵個合格 嘅日本地址。 升呢學動作　聲控靠 㗎文 只要開 咗個 app，唔理佢隻狗都會周圍郁，驚佢周圍走就可以拉低個頭轉坐姿，隻狗仔只會左右搖頭，當擺設睇都幾開心。 只要 喺手機開住個 app插住隻狗，「 Phone狗」就會自己周圍走，用手指捽吓佢塊面又會吠同打乞嚏。篤住佢個鼻打開操作 Menu，揀選 Trick模式仲可以用手勢或聲控叫佢做動作。狗仔會隨住同主人 嘅親密度升級學到新動作。雖然聲控只對應日文，好彩入面 嘅單字唔太難，例如「舒舒咩」係前進、「沙加呢」係後退，識基本 50音上網查吓都應該叫得郁。 Communication模式 兩隻狗可以進入 Communication模式一齊用狗吠聲 jam歌，同另一半一人一隻夠 sweet。 聲控模式 可以按 help重溫聲控指令，上網搵個 50音表對住 嚟讀都唔難，愈短句子愈易認，「沙加呢」多數中，但試講「 Smartpet」 嘅片假名拼音就十問九唔應。 Command 1：「舒媽托屁托」原地轉 Command 2：「舒舒咩」前進 Command 3：「沙加呢」後退 手控模式 要進入 Trick Mode先玩到，初頭都係學到前進同後退兩個動作，隻手掌掃落就行前、掃上就行後，有前鏡頭影住 scan到 啲咩，唔難掌握距離。 拎走手機變他媽「狗」 原樣 拎走部手機一樣可以 喺 app玩「 Phone狗」，佢餓要餵佢食 嘢，無聊時可聽佢唱生日歌同玩音樂 mini game，似他媽歌池式電子寵物。試過唔理佢一排會變花面狗同生病，要幫佢沖涼餵藥。比較特別係換面功能，內置 8款 cutie狗面任換，仲可以影相變人頭狗，但只屬示範表情小遊戲，玩狗都要 㩒番出去用原裝面至得。 玩後感：下代有前途 慘樣 玩過「 Phone狗」後覺得佢外形搶鏡、有創意。不過可以做 嘅動作太少，四隻腳仔活動幅度細， 嚟 嚟去去都係前行、後行同打圈。個 app內容又唔算多，如果好似任天狗咁有寵物大賽就更有趣。不過第一代算係咁，相信下一代會有前途。 撰文：司徒港燊 攝影：彭自維 (繼續閱讀...)

羅慧娟 媽媽 白頭人送黑頭人 陳法蓉 靈堂哭 娟妹 娟妹 骨灰擬製鑽鏈 長伴 夫婿 Posted: 03 Jul 2012 08:35 AM PDT 陳法蓉昨抵達新加坡，即趕往靈堂見娟妹最後一面。記者楊浩賢新加坡傳真 【天國漫行之姊妹情深】羅慧娟日前病逝，一路上，娟妹並不孤單，既有好丈夫劉志敏及家人相伴，更有好姊妹黎美嫻和陳法蓉（ Monica）送她最後一程。 Monica昨趕抵新加坡出席娟妹喪禮，大讚娟妹堅強對抗病魔。不過談到娟妹生前點滴， Monica一度傷痛落淚。而娟妹母親昨晚抵達靈堂時神情哀傷，要親友攙扶。 《新加坡直擊》 羅慧娟兩年前不幸患上胰臟癌，上周六病逝於新加坡寓所，終年46歲。其家人前日在新加坡 Grace Hall為她一連多日設靈，明日上午出殯。身為娟妹好姊妹的黎美嫻，前日已抵達新加坡，而羅媽媽與娟妹另一好姊妹陳法蓉，昨日亦抵達新加坡。羅媽媽昨日傍晚在一女親友攙扶下抵達靈堂，神情哀傷。 羅慧娟的靈堂，以鮮花佈置。  黎美嫻（中）昨日在靈堂保持沉默，不肯接受訪問。  陳法蓉談到娟妹生前的點滴時，傷心落淚。 「好唔捨得好難過」 至於一身黑色素服的 Monica昨午現身靈堂，雖然她戴上墨鏡，但難掩傷痛，她接受訪問時說：「好唔捨得佢，但我好有信心天家再見。雖然我已經有心理準備，但仍然好難過。佢喺我心目中係個好樂觀嘅人，有呢個病之後，佢好勇敢面對，打贏一次又一次。」娟妹有何遺願？ Monica說：「佢最希望身邊每一個人都信主，佢唔只一次講過話冇遺憾，我相信阿娟會有一個好美麗嘅人生。」娟妹月前拍下一段向親友告別的短片， Monica表示自己當時也在場，惟因自己眼淺所以未有出鏡，她說：「段片拍咗好多好多，但只係出咗一部份，因為導演話太 hardsell，娟妹成日話要信主信主。」 Monica續說：「我、娟妹、黎美嫻同新加坡演員陳麗貞四個感情好好，早一段時間娟妹喺新加坡休養，我哋都有陪佢行街食嘢，過咗一段好開心時間。」說話至此， Monica已忍不住飲泣。 羅慧娟的母親（左）昨由女親友攙扶落車，神情哀傷。  娟妹胞姊羅慧蓮，連日來為妹妹後事頻撲。  羅霖昨日與丈夫劉坤銘到靈堂致祭。 「幫佢改名羅慧堅」 對於娟妹一直低調處理病情， Monica解釋：「佢唔希望老人家同長輩擔心同唔開心，本來我收到阿娟消息之後，有諗過噚晚唔去朋友嘅婚禮，但嗰個又係好好嘅朋友。呢個世界好多悲歡離合，希望大家珍惜家，珍惜身邊每一個人。」談到跟娟妹的友情， Monica說緣自當年拍無綫劇《人在邊緣》，她說：「我係一個孤僻內向嘅人，有次我開工，娟妹車住我係咁喺灣仔兜圈，要我講心中一件秘密，如果唔係唔俾我走，跟住我哋傾咗好耐。」 昨日 Monica往新加坡前接受商台電話訪問，也提及娟妹點滴。她指之前不時飛到新加坡陪娟妹，對上一次見娟妹為上月， Monica說：「娟妹病情一路反反覆覆，有時好精靈，有時好攰。」娟妹患病這兩年以來情況怎樣？ Monica說：「佢冇對朋友隱瞞，用最後時間嚟傳道，呢段時間我哋幫佢改名叫『羅慧堅』，佢真係好堅，一關贏完又一關，好樂觀勇敢面對。」 當主持問有否跟娟妹丈夫劉志敏聯絡時， Monica忍不住嗚咽說：「我同劉生好熟，我有打去安慰佢，同埋想喺度再多謝佢一次，佢照顧得娟妹好好。」 Monica指劉志敏為人十分低調，所以當她看到對方接受傳媒訪問時也感到十分驚訝。 Monica指娟妹將兩繼子視為己出，很疼錫他們，當日次子劉鎮榮在婚禮上多謝娟妹，令娟妹十分感動。 鄧萃雯（左）昨在微博悼念娟妹。 雯女：想你便看天 鄧萃雯跟羅慧娟感情十分要好，早前她還專程到新加坡探望娟妹，可惜雯女現身在橫店趕拍無綫劇《金枝慾孽（貳）》，未能趕赴新加坡出席娟妹明日的喪禮。雯女助手昨說：「雯女希望盡快收工，因為一路拍緊嘢，完全冇機會出到嚟，佢話希望趕到返香港出席今個月12號嘅追思會。」 雯女昨在微博上載與娟妹的合照，並說：「那美好的仗她已經打過了，當跑的路她已經跑盡了，所信的道她已經守住了。因主耶穌比我們更愛她，她的離開只是暫時的，我們天家會再見！她一生的勞碌疾苦也終結了，現在安息了，在主的懷裏可做個無憂可愛的小孩子了！她是我永遠的羅天使！想你便看天……」此外，羅霖與丈夫劉坤銘昨日也到靈堂致祭。採訪、攝影：楊浩賢、李志明 聖經陪葬　骨灰製吊飾 35,767  娟妹丈夫劉志敏（左）昨表示，會將妻子骨灰帶返港。 羅慧娟上周六在新加坡病逝，臨終時獲至愛的丈夫劉志敏及她的媽咪和兄姊陪伴，送她最後一程。至親連日為娟妹的喪禮奔波，劉志敏在靈堂留至昨日凌晨，才返回與娟妹租住的弗雷澤櫻桃園住宅（ Fraser Residence Orchard），昨午他再與母親、幼子劉鎮榮、娟妹胞姊 Molly和黎美嫻等到場打點。 劉志敏在過去兩年陪娟妹抗癌，愛妻最終病逝，心情難免沉重，但他昨日在靈堂時偶有笑容，看來心情已較放鬆。 問到娟妹明日火化後，他可會將骨灰製成吊飾或戒指紀念？劉志敏說：「會考慮嘅。」至於可有為娟妹準備甚麼陪葬品，他說：「聖經，呢啲我未有時間去諗。」骨灰會安放哪裏？劉志敏說：「我睇會擺番喺佢出生地香港。」劉志敏指骨灰稍後才可拿走。家人替娟妹選了壽衣嗎？劉志敏說：「佢件件衫都咁鍾意。」 劉志敏下周四為娟妹在港舉行追思會。 下周四港辦追思會 娟妹的家人前日在當地的翡龍山聖所（ Mount Vernon Sanctuary）的 Grace Hall為她設靈，一連三天供親友悼念。明早9時半便出殯，11時進行火化。劉志敏為遷就未能出席娟妹喪禮的親友，於下周四在銅鑼灣同福堂舉行追思會。 採訪、攝影：楊浩賢、李志明 話你知：五星級公寓養病 羅慧娟生前在新加坡養病時，入住的弗雷澤櫻桃園住宅（ Fraser Residence Orchard　圖）是五星級公寓，房間間隔寬敞，所用家具和陳設都是採用意大利名設計師的設計，廚房的設備亦相當齊全，適合住宿時間較長的客人入住，另設有室外游泳池、健身中心及桑拿室等供住客享用。該公寓距離新加坡烏節路地鐵站只有10分鐘的步行路程，前往大型購物商場十分方便。該公寓在北京、上海、大阪及倫敦等地亦設有分部。 友情歲月 金蘭姊妹拍劇結緣 41,133  羅慧娟去世，令好友黎美嫻和陳法蓉傷心不已，三人90年因合演無綫劇《人在邊緣》（圖）結成好友，而鄧萃雯因與黎美嫻同屬84年無綫藝訓班，四人開始成為好姊妹，多年來感情非常要好，四人是藝人之家成員，信仰令她們的關係更密切，經常一起返教會。 05年黎美嫻嫁給元朗舖王謝興肇，羅慧娟、陳法蓉和雯女擔任姊妹，08年羅慧娟與劉志敏結婚時，陳法蓉及黎美嫻亦是其姊妹團，雯女亦有出席婚禮，可見她們姊妹情深。自娟妹傳出患胰臟癌，她的三位好姊妹經常到醫院探望，上月尾傳出娟妹在新加坡病危的消息，正於內地拍劇的雯女即趕往當地探望她。 全城哀悼 鄭秀文：她是生命鬥士 32,967  46歲的羅慧娟跟癌魔搏鬥兩年多，日前與世長辭，雖然娟妹已離開大家，但她的笑臉永遠留在眾人心中。 鄭秀文：我認識一位小天使。她也是生命鬥士、上帝之勇士。娟，當走的路，當打的仗，你都完成了。不捨得你但會記着跟你和 Sheren相聚共禱的時光。天家見！ 譚詠麟：好可惜，最初仲話冇事，走得好突然同好快，人生無常。印象中佢係一個好開朗同好玩得嘅人。 郭政鴻：當年我同佢喺《蓋世豪俠》中合作過，嗰陣我做弟子，佢已經係女主角。當然好可惜，佢咁後生就走咗，我同佢哥哥好熟，都有傳短訊問候佢家人。 林穎嫻：當年我喺 TVB拍劇，喺公司都有見過佢。之後我去咗美國，經楊寶玲介紹都有喺當地見過面。如果佢真係咁辛苦，??家當係個解決都未嘗唔係好事，佢可以去到另一個更好嘅世界。 梁小冰：早兩、三個月喺藝人之家佢發起個活動，當時大家講咗啲嘢畀佢，仲拍低片段，畀佢有個美好回憶。我攬住佢好耐又錫佢，同佢講我愛佢，有祝褔佢。我好開心識到呢個姊妹，十年前大家去美加佈道會，同房又一齊做面膜。不過人生有過程，人死咗會去天家，祝福佢希望佢安息。 林嘉華：我同佢喺80年代有一齊玩過，兩年前喺街遇到佢，傾咗幾句，仲話約埋出嚟敍舊，但始終都冇機會。佢嘅追思會我應該去唔到，拍緊劇準備埋尾，應該冇乜 娟妹骨灰擬製鑽鏈長伴夫婿 抗癌勇士羅慧娟知己滿天下，好友紛紛趕抵新加坡出席其設靈儀式見她最後一面，金蘭姊妹陳法蓉永遠記住娟妹的堅強，老公劉志敏雖然未能跟娟妹牽手共度餘生，但正考慮將愛妻骨灰製成鏈墜，長「掛」心中！ 跟癌魔搏鬥至最後的娟妹於上周六與世長辭，前日起一連三天在新加坡翡瓏山火化場的優雅堂設靈，娟妹生前性格開朗，廣交圈中好友，多名金蘭姊妹包括陳法蓉、黎美嫻、陳麗貞、羅霖及丈夫劉坤銘等，先後陸續飛抵當地送娟妹最後一程，願她可在愛的包圍下步向天國！ 聖經陪葬 連日來為愛妻打點身後事的劉志敏，昨午二時與黎美嫻抵達靈堂，席間與親友聊天及打點安排，兒子劉鎮榮幫手整理花圈，問到心情如何？他神色哀傷地說：「冇預咗太太咁快離開，好突然，諗住可以維持一星期，心理上冇準備，唔清醒！」據知火化場提供骨灰製鑽石服務，可將之製成戒指或鏈墜，劉志敏聽後笑笑口說：「我會考慮！」早已揚言死後願跟娟妹同葬的他，似打算與愛妻在天國相聚前，把她的一部分化成鏈墜，掛在心中，至死不渝！他除考慮留部分骨灰製鏈墜外，其餘會帶返香港，詳細安排交由牧師處理，問到有甚麼陪葬品？他表示有娟妹讀過的聖經，至於會否有娟妹生前鍾意的衫，他面露笑容說：「有好多衫佢都好鍾意！」至傍晚六時許，娟妹的母親及奶奶到場。 封「羅慧堅」 向來與娟妹形影不離的好姊妹陳法蓉，前晚先在紅磡出席好朋友的婚禮，同場還有吳辰君、陳煒及江美儀等。昨晨她即趕赴新加坡出席娟妹喪禮，她穿上黑色衣服、戴上黑超現身，甫見黎美嫻即互相擁抱，黎美嫻輕搭法蓉膊頭加以安慰，法蓉本來不想接受訪問，但在劉志敏安排下才受訪，她表示娟妹沒有對朋友隱瞞病情，娟妹要求大家不要公開是擔心老人家反應：「娟妹媽媽或者佢丈夫家人都有年紀大嘅長輩，唔想佢哋擔心。」她覺得娟妹很堅強，更替她起了個名叫「羅慧堅」！ 一直心情平復的法蓉提到跟娟妹生前點滴時，突然哽咽起來：「上個月我哋喺新加坡重聚時，陪佢去食雪糕、行街，過咗段好開心嘅時間！」並為娟妹澄清沒有用其他宗教儀式去「續命」。 第一手消息請下載on.cc東方互動iPhone/iPad/Android/Windows Phone Apps 專案組 忙於為娟妹打點後事的劉志敏，提到亡妻生前點滴，露出一絲笑容。 劉志敏（左）在靈堂招呼前來弔唁的親友。 陳法蓉（左）、黎美嫻（右） 陳法蓉與黎美嫻送別娟妹，互相安慰。 陳法蓉出席喪禮前一晚參加喜宴送上飛吻。   已年屆約八十歲的羅媽媽（右），堅持送別愛女娟妹。 羅霖與老公劉坤銘前來致祭。 骨灰變鑽石 娟妹舉行喪禮的場地內設有火化場，提供骨灰提煉成鑽石服務。若親人想把骨灰煉成鑽石需提供400克骨灰，送往瑞士實驗室，以1,300℃高溫將之轉化為鑽石。400克骨灰最多可造4顆0.2至1卡的鑽石，每顆0.2卡的骨灰鑽石約值3萬港元，製造期為3個月，最大的1卡鑽石每顆約16萬港元，製造期為1年，鑽石可用雷射刻上文字及打磨成不同形狀。 痛別「金花」陳麗貞讚好人 生前人緣甚廣的羅慧娟，「四朵金花」好友齊來送她最後一程。陳法蓉昨日提到因1993年和黎美嫻等到新加坡拍戲而認識新加坡藝人陳麗貞，四人即成為好友兼自封為「四朵金花」！「金花」之一的陳麗貞於昨午四時許由黎美嫻陪同下到達靈堂，雖然她一臉肅穆，但仍十分有禮地接受訪問，她大讚娟妹是個好人，她說：「佢對神嘅愛好堅定，佢嘅遺願係希望全世界嘅人都信主！」提到親自前來送娟妹最後一程，她不禁一臉神傷，頓一頓才說：「都算係！我哋約好咗喺天國再聚！」語畢即匆匆步入靈堂。 此外，有指娟妹兩位好友賈思樂和廖安麗會飛赴新加坡出席喪禮，不過賈思樂回覆本報記者時表示，他和廖安麗不會出席娟妹新加坡喪禮，但會出席在港舉行的追思會。 陳麗貞一臉哀傷，大讚娟妹為人。 廖安麗未能參加娟妹的喪禮，只會出席香港的追思會。 雯女：她是我永遠的天使！ 身在橫店趕拍《金枝慾孽貳》的鄧萃雯，與羅慧娟情同姊妹，對於好友病逝，她大為悲痛，不過由於新劇快將煞科，她不能離隊，未能到新加坡出席娟妹喪禮。不過，雯女希望能於本月12日前返港出席娟妹追思會。此外，雯女在微博上載與娟妹的合照，照片中雯女攬着娟妹，笑得開懷，雯女感性地說：「那美好的仗她已經打過了，當跑的路她已經跑盡了，所信的道她已經守住了。因主耶穌比我們更愛她，她的離開只是暫時的，我們天家會再見！她一生的勞碌疾苦也終結了，現在安息了，在主的懷裏可做個無憂可愛的小孩子了！她是我永遠的羅天使。」她在末段還寫道：「想你便看天……」念友之情令人動容！ 舊拍檔青雲懷念「素素」 曾與羅慧娟合作劇集《燃燒歲月》和《人在邊緣》的劉青雲，對舊拍檔的離世大感惋惜！青雲在微博以《燃》劇的角色名字「素素」留言緬懷故友，並寫道：「素素走了，懷念跟她一起工作的日子。常滿（青雲在《燃》劇的角色名）」 蔡少芬：想你甜美的笑聲！ 與羅慧娟同屬基督教徒的蔡少芬（Ada），在微博留言表示想念娟妹，還想念對方甜美的笑聲，她寫道：「看到天空如此美麗雪白光芒柔和，讓我想起你美麗的面容、想起你雪白的皮膚和你那甜美大聲的笑聲，你發出的生命光芒影響着多少的生命。娟妹，我想念你！謝謝你的愛！天家見。」 梁小冰：早前我都有出席羅慧娟嘅「道別式」，當時我攬住佢好耐，同佢講我好愛佢，好慶幸有佢呢位咁好嘅姊妹，嗰次係我哋最後一次見面。我哋有一齊出埠宣道，齊齊匿喺酒店房敷面膜。（去追思會？）我拍緊戲啱啱趕埋尾，未知劇組會唔會放人！ 譚詠麟：好可惜！早年一齊拍過樓盤廣告，覺得佢去得幾突然，最初又話冇事，人生好無常！佢好開朗、好玩得！（出席追思會？）唔知！上一次見佢仲同依家個老公拍緊拖，佢當時好開心！ 關心妍：我同佢返同一間教會，知道佢過咗身好傷心，之前同佢返教會成日見，佢好照顧我哋，對我哋好好，我覺得好突然，接受唔到一個認識嘅人有癌症就咁走咗。（去追思會？）要睇工作安排，我會為佢同佢屋企人祈禱！ 梁小冰 關心妍 (繼續閱讀...)

沙雕英女皇駕到　暑假 玩樂攻略 Posted: 03 Jul 2012 08:27 AM PDT Geek友講場 沙雕英女皇駕到　暑假玩樂攻略 2012年07月04日 ~~ 第267期 Face 話我哋香港人殖民主義入侵大腦都好，以前事頭婆訪港，總係咁親民好玩，家吓回歸之後， 7.1除咗係上街大日子，高官來港同時換來嘅係防暴警察同水馬擋路，冇癮！ 好在，今年係英女皇登基鑽禧紀念，雖然請唔到真嘅英女皇駕到，有商場為配合暑假，搵咗外國沙雕高手，喺室內打造咗一個用沙造嘅英女皇像。出面熱辣辣，去冷氣商場拜見英女皇，再去埋海洋公園新區「冰極天地」同企鵝、北極熊玩遊戲，諗起都爽！ 沙藝．運動精華遊 日期：即日至 7月 31日（星期二） 時間：中午 12時至晚上 10時 地點：荃灣廣場中庭 收費：免費 查詢： 2498 8343（荃灣廣場） 即場打造女皇 英國沙皇 Paul Hoggard 拍攝當日，呢個高成 4呎的巨型沙雕仲係趕工階段，四位沙雕高手：英國的 Paul Hoggard、荷蘭的 Remy Geerts、加拿大的 Craig Mutch及墨西哥的 Calixto Molina都喺現場做最後衝刺，呢四位沙雕高手仲有個隊名叫 Sand Artist，而領軍嘅阿 Paul，原來係唯一一位沙藝家被英女皇任命於 Royal Cornwall Agricultural Show製作農莊場景。 Paul同我哋解構成個沙雕的製作過程之餘、仲分享咗少許心得：「我哋構思好草圖，會計算好每個部分幾長幾闊先落手造，而且要不斷對照草圖去造，成個沙雕先會靚。」俗語「玩泥沙」代表做事兒戲，但見 Paul佢哋雕沙過程就絕不馬虎，有晒圖則、度晒平水尺，仲用各種小工具令細位更精美，搞到記者都手痕，好想即時去沙灘學以致用呀！ 雕出倫敦奧運 來自英國的 Paul Hoggard，已經唔只一次製作英女皇沙雕，今次來港再次製作，仲組合埋大笨鐘（已改名做 Elizabeth Tower）、雙層巴士同倫敦奧運火炬，明 sell奧運熱，不妨聽住 Beatles音樂去睇。 大笨鐘、奧運火炬、英女皇 雙層巴士 製作解構 1.定形 為令沙堆堅固，一開始會將沙注入木箱，不斷加水及壓實，如果想造較高嘅沙雕，就會好似圖入面咁，將木箱疊高，似足結婚蛋糕！夠實淨後就由上層開始拆板、開始製作。 2.度尺 選擇草圖後，就會開始計算不同位置的長度，好似加拿大沙藝師 Craig Mutch製作時，就不斷度尺，確保倫敦大橋合比例。 3.塑形 製作雛形時，就好似墨西哥沙藝師 Calixto Molina咁，用手堆出大概形狀。 4.雕沙 荷蘭沙藝師 Remy Geerts正利用細鏟雕出英女皇。 5.修飾 雕好成個形態，阿 Paul仲用飲管壓出火炬上的圓形花紋，好細心！ 《 FACE》 Gadget版監修人 903 DJ Donald 之前睇過堆沙高手表演，估唔到有機會自己可以去學，好玩喎！不過手痕友唔好玩僭建呀！另外都好期待海洋公園嘅北極企鵝，睇電視 BBC節目已覺得好 cute！又係時候去試相機同玩餐飽！ 自製沙雕海灘 lum女新法 堆沙歌 Chris 睇完大師級製作，今個夏天想學番兩度散手，去海灘晒吓新玩意，其實唔難。我哋請到香港國際沙藝會社長 Chris Shum（藝名：堆沙歌）幫手，教你整立體字同 cute爆海豚。 Chris仲話：「如果有一定雕沙基礎，整一條立體海豚，基本上 20分鐘就搞掂」，絕對易玩易學。 You are so SWEET!! 有堆沙歌教路， model真係 20分鐘堆咗條海豚出嚟。 立體心心製法 Step 1 先用沙堆出立體心形， Chris提醒得閒要退後一兩步，睇吓形狀有無走樣或者不合比例。 Model經 Chris指導，成功堆出靚靚立體心。 Step 2 整好雛形，要令沙雕睇落平滑，可以廢物利用，以錫紙質地的包裝袋幫沙雕做磨沙。 Step 3 想要心形形狀更突出，可用剷子在邊緣勾出線條。 Step 4 利用尖頭細剷在心形上先刻字，再慢慢雕深筆觸， Chris話呢吓好睇玩家藝術感夠唔夠。 Step 5 雕好字，就利用飲管吹走多餘的沙，大功告成！ 完成！ 小貼士 無論係外國高手的大型沙雕，定 model試堆的細細個心形，都要得閒淋水，保持沙嘅濕度，鞏固沙雕形態。 Model覺得點？ 睇落好似好容易，但係雕字個部分，真係好講技巧，一大力咗少少，即時變到好核突，又要重新執過。 咪走雞 除咗大師作品，現場仲有兩個以回歸為主題嘅沙雕作品，咪走漏眼。 高成 3米嘅金紫荊上面，仲雕有唔同運動項目，提你奧運就快到！ 由香港小學生設計的沙雕，用海豚、波浪的圖案，表達對香港環保問題的關注，好有意義。 人像沙雕工作坊 喺商場消費滿$2,000（憑單一即日機印發票及相符之電子貨幣付款存根）就可以免費報名參加工作坊，即場向 Chris學整沙雕。 課程日期： 7月 29日、 8月 5日及 8月 12日 時間： 2pm及 4pm（每堂 1.5小時） 名額：先到先得 查詢： 2498 8343（荃灣廣場） 迪士尼新區．灰熊殺到 玩完沙，可以去迪士尼樂園「行石山」！灰熊山谷係迪士尼 3個擴展園區入面，佔地最大 1個。主打遊樂設施「灰熊山極速礦車」極之巴閉，會穿越成個園區，礦車飛入礦山之餘，又會突然喺地底穿出地面，唔係一味得個高字。而且礦車唔只向前高速飛，仲有 3分 1時間係倒後行，絕對全城獨有，好期待！ 開幕日期： 7月 14日（星期六） 迪士尼門票：成人$399/3-11歲小童$285/65歲以上長者$100 查詢：迪士尼（ 1830 830） 灰熊山谷位於歷險世界旁邊俾好多大樹遮實，未開幕好難見到園內環境。（圖片來源：迪士尼 facebook專頁） （圖片來源：迪士尼 facebook專頁） 上網偷師 其實阿 Paul好想發揚沙雕呢項運動，佢仲建議香港讀者可以上佢官網睇，入面個 Kids Corner會 step by step咁教你點雕架《反斗車王》出嚟。 Paul Hoggard以前都雕過英女皇全身沙像，抱住貓頭鷹嘅就係希臘女神雅典娜。 今次來港團隊嘅官網有好多作品睇。 http://www.sandartist.com 成功爭取　香港有企鵝 學完沙雕去沙灘玩沙流晒汗，夏天咁熱梗要搵消暑節目，海洋公園就特登喺 7月開放新園區「冰極天地」畀各位唞暑。來自北極、南極嘅極地動物將會同大家近距離接觸，唔使等民建聯爭取都可以喺香港睇到企鵝仔喇！除咗睇動物，仲會有雪橇為主題嘅過山車，動靜佳宜，啱晒一家大細放暑假。 得意小企鵝 喺冰極天地嘅企鵝共分為南跳岩企鵝、巴布亞企鵝同國王企鵝。圖中嘅國王企鵝為企鵝家族中體形第二大種族。 英偉白雪鴞 又名雪貓頭鷹，哈利波特隻寵物嘿美就係雪鴞，展翅時翼長有 125至 165公分，唔只得個 cute，仲相當英偉。 霸氣北海獅 全球最大體形海獅科動物，低沉叫聲夠晒霸氣。佢間屋仲有個玻璃天花窗，用以觀賞其潛水姿態，唔係僭建㗎！ 飄逸北極狐 冬天時，北極狐會長出雪白靚毛，成為雪地保護色。春夏氣候時則披着一身青灰色毛，故有青狐別名。 傻氣斑海豹 斑海豹外表傻更更，但實情識得聽護理員叫自己個名，算係好聰明嘅動物。斑海豹每年都會換毛，好似換一套新衫咁，傻得嚟又幾貪靚。 5萬呎北極區 冰極天地面積 5萬 2千呎，溫度保持於攝氏 15度，係斑海豹、海象、北海獅、雪鴞嘅安樂窩。其中北極狐獨佔雪狐居。於冰極隧道則可欣賞海象及斑海豹嘅泳姿，又可深入洞穴，與北海獅作近距離接觸。 南極奇觀 總面積近 23,000平方呎，可從不同角度認識企鵝及其生活習慣，有如親身走入南極探險。 極地時速 以雪橇為概念嘅過山車，以時速 35公里橫越整個冰極天地，速度唔快，勝在一家大細啱玩。 海洋公園冰極天地 開幕日期： 7月中（待定） 門票：成人$280/ 3-11歲小童$140 查詢：海洋公園（ 3923 2323） 潮熊波鞋展 運動員嘅搵食架生就係運動鞋，中國跨欄王劉翔當然係着跑鞋啦，但講到最有收藏同欣賞價值，始終係美國 NBA夢幻隊批經典籃球鞋。新城市廣場搵咗波鞋界最強收藏達人 Horace Leung，展出佢嘅 20年極品收藏，由 1992年， Michael Jordan領甲夢幻隊揚威巴塞奧運開始，到應屆 NBA冠軍 LBJ戰鞋都有齊。女仔同小朋友亦唔怕悶，因為大會講到 Eric So（蘇勳）設計場地，打造 4個 1.5米高的巨型 Sporty Bear Figurines， Eric話：「全場都波鞋，非鞋癡都真係會悶，又唔親民，所以我決定用幾種奧運項目，設計咗 4隻可愛小熊，希望到場嘅女士同小朋友見到咁可愛嘅熊，忍唔住埋去影張相！」 Mr.U就一身 23號籃球戰衣，不過 MJ打奧運好似係着 9號㗎！ 入口有跨欄熊 Mr.C同乒乓熊 Mr.H，果然係波鞋展，前者連鞋底幾粒金色釘都造埋， Eric So夠細心！ 由 20年前經典到今屆新 Dream Team戰鞋都有齊。 收藏達人阿 H（ Horace Leung）帶咗勁多珍藏到場，你睇佢背後個 23字，真係展出咗全系列 AJ波鞋！而 H手上呢對就係《回到未來２》入面對自動伸縮未來 Nike，炒到成 6萬港紙㗎！ 三獅足球熊 剛剛完咗歐國盃，奧運足球一樣吸引， Mr. E一身米字旗波衫，龍門後幅牆仲有其他國家版本。 New Town Plaza x Eric So最熊運動會作品展 日期：即日至 8月 8日（星期三） 時間：中午 12時至晚上 10時 地點：沙田新城市廣場 3期 1樓天幕長廊 查詢：沙田新城市廣場 （ 2684 9175） 黃波賀奧運 細個睇英文故事書，成日見到呢隻笑口噬噬嘅黃波波。原來佢係來自英國，叫 Mr. Men，為咗賀倫敦奧運，仲帶埋班 friend喺奧海城坐鎮！見到佢戴住英國帽加埋個招牌笑容，未到奧運已經好興奮！ Mr. Men& Little Miss倫敦活力之旅 嫌沙雕個雙層巴士顏色太單調，呢邊架坐滿 Mr. Men班 friend的大巴士， sharp到暈！ 日期：即日至 8月 10日（星期五） 時間：早上 10時至晚上 10時 地點：奧海城 2期主題中庭 查詢：奧海城（ 2740 4108） 撰文：鄺浿鏇、司徒港燊 攝影：彭自維、傅新發、黃家活 模特兒： Jumbo、 Vivian@M Spy、 Eunice@Jamcast、 Linkin@GME (繼續閱讀...)

我不再是【劉備老師】了～ Posted: 03 Jul 2012 06:52 AM PDT 基於某原因，我認為我不能再自稱【劉備老師】～ 到底是什麼原因？暫時賣個關子，總之【劉備老師】已經不再屬於我了～T.T 以下這些圖片皆是暗示：GR，我知道你有話要說了。。。lol 嗯，可能下星期會在本部落格裡，解釋『為什麼我不再是劉備老師？』 不好意思，《教小學生相聲的難題》系列文章，一定會在下一個post繼續分享。 別再叫我【劉備老師】了～ 雖然要脫離這個伴隨了我一年半的雅號 但我不覺得傷心，反而很興奮， 因為：我醞釀了十年的夢想即將實現！！

《紐約時報》介紹‧記者大街小巷尋找‧新加坡“牛油咖啡”揚名國際 Posted: 03 Jul 2012 02:25 AM PDT （新加坡3日訊）獅城"牛油咖啡"揚名國際，《紐約時報》著文介紹，記者走遍獅城大街小巷尋找"牛油咖啡"。 《紐約時報》日前刊登了一篇以新加坡咖啡店為主題的報導，指咖啡店是新加坡許多鄰裡生活的中心。 該報導的作者走訪幾間歷史悠久的咖啡店，介紹各店的招牌面包和咖啡，但其實最想喝到的，是他聽說了好幾年的"牛油咖啡"。 他最後終於在中汴魯一帶，一間擁有70年歷史的老咖啡店，品嘗到"牛油咖啡"。 他形容，負責泡咖啡的阿叔聽到他要喝"牛油咖啡"後，只說要"加2角"，接著就走開。 再次出現時，對方拿了牙簽插在一厚塊的牛油上，然後放入他的咖啡內。 他表示，自己雙眼直瞪著牛油塊，看著它慢慢融化，一分鐘內，咖啡上就出現一層油光。 像"淡奶味咖啡"加鹽 "我喝了一口，覺得有點油膩，而且有淡淡的咸味。" 新加坡美食家司徒國輝指形容，"牛油咖啡"的味道，就象"淡奶味咖啡"（KOPI-C）加一點鹽。 "這種咖啡在80年代就"沒落"，相信是因為年輕人更有健康意識，認為喝牛油不太健康。" 老行家：抽鴉片的人喝 "牛油咖啡"能潤喉潤肺 咖啡店老行家表示，"牛油咖啡"在60年代興起，一般是抽鴉片的人喝，認為有潤喉潤肺的功效。 福州咖啡酒餐商工會主席洪寶興表示，早期新加坡還有人抽鴉片，這類人一般覺得喉嚨干燥，痰很多，因此光顧咖啡店時，就喜歡點一杯"牛油咖啡"，認為其中的牛油能潤喉潤肺。 瓊僑咖啡酒餐商工會執行秘書王昆也表示，抽鴉片的人偏好喝"牛油咖啡"。 "他們的口感和一般人不一樣，咖啡加入牛油或許對他們而言，有另一番的美味。"（星洲日報／國際） This posting includes an audio/video/photo media file: Download Now

《紐約時報》介紹‧記者大街小巷尋找‧新加坡“牛油咖啡”揚名國際 Posted: 03 Jul 2012 02:25 AM PDT （新加坡3日訊）獅城"牛油咖啡"揚名國際，《紐約時報》著文介紹，記者走遍獅城大街小巷尋找"牛油咖啡"。 《紐約時報》日前刊登了一篇以新加坡咖啡店為主題的報導，指咖啡店是新加坡許多鄰裡生活的中心。 該報導的作者走訪幾間歷史悠久的咖啡店，介紹各店的招牌面包和咖啡，但其實最想喝到的，是他聽說了好幾年的"牛油咖啡"。 他最後終於在中汴魯一帶，一間擁有70年歷史的老咖啡店，品嘗到"牛油咖啡"。 他形容，負責泡咖啡的阿叔聽到他要喝"牛油咖啡"後，只說要"加2角"，接著就走開。 再次出現時，對方拿了牙簽插在一厚塊的牛油上，然後放入他的咖啡內。 他表示，自己雙眼直瞪著牛油塊，看著它慢慢融化，一分鐘內，咖啡上就出現一層油光。 像"淡奶味咖啡"加鹽 "我喝了一口，覺得有點油膩，而且有淡淡的咸味。" 新加坡美食家司徒國輝指形容，"牛油咖啡"的味道，就象"淡奶味咖啡"（KOPI-C）加一點鹽。 "這種咖啡在80年代就"沒落"，相信是因為年輕人更有健康意識，認為喝牛油不太健康。" 老行家：抽鴉片的人喝 "牛油咖啡"能潤喉潤肺 咖啡店老行家表示，"牛油咖啡"在60年代興起，一般是抽鴉片的人喝，認為有潤喉潤肺的功效。 福州咖啡酒餐商工會主席洪寶興表示，早期新加坡還有人抽鴉片，這類人一般覺得喉嚨干燥，痰很多，因此光顧咖啡店時，就喜歡點一杯"牛油咖啡"，認為其中的牛油能潤喉潤肺。 瓊僑咖啡酒餐商工會執行秘書王昆也表示，抽鴉片的人偏好喝"牛油咖啡"。 "他們的口感和一般人不一樣，咖啡加入牛油或許對他們而言，有另一番的美味。"（星洲日報／國際） This posting includes an audio/video/photo media file: Download Now

Slideshow: Contest Posted: 02 Jul 2012 09:30 PM PDT This posting includes an audio/video/photo media file: Download Now

安达曼群岛狩猎 (27): 結尾與感想 Posted: 02 Jul 2012 06:55 PM PDT This posting includes an audio/video/photo media file: Download Now

安达曼群岛狩猎 (26): 最後的期望：夜晚 Posted: 02 Jul 2012 06:54 PM PDT This posting includes an audio/video/photo media file: Download Now

安达曼群岛狩猎 (25): 提高警覺Popping Posted: 02 Jul 2012 06:53 PM PDT This posting includes an audio/video/photo media file: Download Now

安达曼群岛狩猎 (24): 海上游擊戰術 Posted: 02 Jul 2012 06:52 PM PDT This posting includes an audio/video/photo media file: Download Now

第卅五間 - 岩手ラーメン @ Sri Petaling Posted: 03 Jul 2012 12:04 AM PDT 好友埋單的友情拉麵～

You are subscribed to email updates from 他妈的大马®生活消遣博客 To stop receiving these emails, you may unsubscribe now.	Email delivery powered by Google
Google Inc., 20 West Kinzie, Chicago IL USA 60610